Tulodho
Pambiwara ing pahargyan
manten
Prasojo (Climen)
Bismilahirrohmanirrohin
Assalamu’alaikum
Wr. Wb
Alkhamdulillah .................................................................................................................
Mugi tinebihno saking tulak-sarik sarta bebenduning pangeran ingkang moho
agung, jalaran kula kumowantun ngadeg wonten ngajeng tuwin iring handika , sarta
nggempil kamardikan pangandikan handika sami, kang datan nyuwun idi palilah
langkung rumiyin.
Wonten
ngarsanipun Panjenengan para Pepunden, para pinisepuh, ingkang Hanggung mestuti
dateng pepoyaning kautaman, ingkang pantes pinundhi.
Panjenenganipun Para
purnakaryo saklebeting praja, ingkang satuhu pantes nampi pakurmatan saking para
kawulo dasih
Panjenenganipun para
pangemban - pangembating praja, soho para
priyogung ingkang saestu pononing pamawas tuwin lebdo ing pitutur satuhu luhuring budi .
Panjenenganipun Para
pangarsaning agami para alim ulama ingkang pantes tinulada dateng kawulo
kinasih.
Nun injih,
mradopo awit saking
keparengipun Bapa ..... sekaliyan garwo,
ing titi kalenggahan puniko, diri pribadi kula ingkang piniji hanganthi titi laksito aji ing pahargyan panggihing putra pinanganten sarimbit, pinongka pambiwara. nun-injih sri atmaja putrinipun Bapa . .... (hamengku gati ) ingkang
asesilih Nini ....., ingkang sampun kalampah dkadaup atmaja
kakungipun Bapa .....( Beasn ) pun Bagus ..... .
Namung
sakderengipun kula hangaturaken menggah urut reroncening adicara ingkang sampun
rinakit , langkung rumiyin sumangga kita tansah ngaturaken pangalembono miwah
panuwun wonten ngarsanipun Alloh, ingkang tansah paring barokah soho rahmat
dumateng kita sedaya, sahinggo kita ing rikalenggahan puniki, saget makempal
mangunggal lenggah sesandhingan kaliyan Para pepundhen, para pinisepuh, dalasan
kadang mitro waruju kanthi rahayu nir ing sambilala.
Mugi kanthi
ngaturaken pujo pangalembono miwah panuwun ing ngajeng, kanthi pangajab mugi
mugi titilaksita ing ri kalenggahan puniki tansah pinaringan rahayu katebihno
saking rubedo.
Wonten
ngarsanipun Jengandika ingkang tansah sinubo ing kaurmatan.
Kepareng kula
hangaturaken menggah urut reroncening titi laksito adicara ingkang sampun
rinakit.
1 Kapurwakan Atur Pambuka
2 Pangandikan Pinangka Atur Pangayubagyo.
Samangke ingkang arso hamedarsabda
Penjenenganipun Bapa .....
3 Pangandikan saking utusan kadang besan
Dene
samangke ingkang bade hamedarsabda
Penjenenganipun Bapa .....
4. Panampi
Penjenenganipun Bapa ..... kepareng
hanampi pangandikan saking kadang besan.
5 Pungkasaning Adicara puniki samangke,
mbok-bilih sampun wonten pratondho
cetho, saking keluwarga dalasan
Panawung kridho.
Mekaten para
tamu soho para lenggah, menggah urut reroncening titi laksito adicara ingkang
tumuli bade kapurwakan.
Pinurwakan atur
pandonga wonten ngarsa dalem Alloh ingkang Murbeng dumadi pinangka pambuka, Pramilo dumateng Jengandika
ingkang ngrasuk agami sak sanesipun agami Islam, pandonga kula aturaken
dumateng Jengandika, ananging penjengan ingkang ngrasuk agami Islam sumangga adicara
kita purwakani kanthi maos Lafal Basmalah sesarengan.
Mugi-mugi kanthi donga pambuka sawau ,sageto Mahanani
rancaging adicara wiwit purwo dumugi wusananing samangke.
Tumuli ngancik titilaksita
ingkang kaping kalih, Atur pambagyo harjo saking Bapa ....., pramilo
dumateng ngarsanipun Bapa
....., sasana
pangandikan kasumanggakaen.
(saksampunipun pangandikan atur pambagyo
rampung )
Paripurna pangandikan saking ……………………………, ingkang dipun aturaken penjenengan -
ipun Bapa
.....
(Pangadikan ing ngajeng dipun ambali ngantos dumugi rampung)
( kalarasno kaliyan suwasono ingkang
lumampah )
( Pangandikan pungkasaning adicara )
Wonten
ngarsanipun panjenegan ingkang tansah sinubo ing kaurmatan .
Titi laksito adicara
Pahargyan dhaupipun putra pinanganten sarimbit sampun kalampahan kanthi rancag
datan manggih rubedo setunggal punopo. jalaran pikantuk Ridlaning Alloh. Amien
Namung
sakderengipun adicara puniki kita kapungkasi. Kula ingkang kapitedhan sinaroyo
hanganthi titilaksitaning adicara, katah atur soho patrap, ingkang mboten
ndadosaken renaming penggalih penjenengan, nyuwun rumentahing pangapunten
ingkang agung.
Wasono sumangga adicara
puniki sesarengan kita kapungkasi kanthi maos Khamdalah sesarengan.
Pungkasaning
atur Wabilahitaufik Walhidayah Wasalam mu’alaikum Wr.Wb
Tidak ada komentar:
Posting Komentar